Turi-turian Taringot Hutapea


Horas dihita saluhutna namanjaha postingan on, dison au naeng mambaen turi-turian boasa gabe adong marga Hutapea Tarutung dohot Laguboti.
Mengapa Marga Hutapea Tarutung dan Laguboti berbeda?.Sebelumna au mangido maaf alana au menceritahon on sian versi Hutapea Tarutung na hea hubegei alana au Hutapea Tarutung do, ala au pe yakin adong do cerita versi Hutapea Laguboti.
Dison hita dangna lao mambuat kebenaran/pembenaran salah satu pihak, Alana on cerita do sai anggiatma cerita on boi mambaen holong dihita hutapea lam gomos.

Songononma turi-turianna:
Siraja Hutapea Tarutung, ima pinomparni Guru Mangaloksa (Digoari Siopat Pusoran/Pisoran), Anak ni Guru Mangaloksa adong opat ima Siraja Nabarat (Hutabarat), Siraja Panggabean (Panggabean, Simorangkir), Siraja Hutagalung, Siraja Hutatoruan (Hutapea, Lumban Tobing).
Anakni Si Raja Hutapea adong tolu, Naparjolo Siraja Hutapea Sabungan, napaduahon Siraja Hutapea Unok, napatoluhon Siraja Hutapea Bosi.

Jadi dung magodang Ompu Raja Hutapea Bosi lao ma oppungi marhoda maninggalhon huta hatubuanna dohot haha dolina di tarutung lao tu daerah toba
naeng martanding hadatuon alana masa dope najolo sisongoni manguji hasaktion.

Sahat ma Oppungi tu huta laguboti kebetulan dihutai adong sahalak boruni raja namarsahit mansai posi, Nunga godang parubat namulak dang sanggup mangubati boruni rajai.Nunga di sebarhon be sayembara manang na ise naboi mangubati boruni rajai.Sahatma baritai tu Oppungi, dohotma  Oppungi mangubati boruni rajai.
Singkat cerita Malum ma boruni rajai dibaen Oppungi, siala lasni rohani Raja ni hutai dileon ma borunai gabe istrini Oppungi, dileon rajai ma muse tano parhutaan tu Oppungi digoari oppungi ma hutanai Pintu Bosi.

Tamba ari tamba bulan mardenggan daging ma boruni rajai.Disada tikki mulakma muse oppungi mandapothon haha dolina dohot bonapasogitna tu tarutung maninggalhon oppung borui na lagi mardenggan daging (hamil).
Dungi sautma muse Oppung boru i tu Pangaribuan, Tubuma Hutapea nanipagodang-godangni pangaribuan on ma na gabe Hutapea Laguboti (Hutapea Bosi alai tubu di Laguboti).Dungkon i tubuma muse anggini Hutapea ima marga Pangaribuan.Dung magodang Hutapea Bosi on di paboa Oppung boruima na adong do keluargana di tarutung.Lao ma hutapea bosi on lao mandapothon haha doli dohot akka keluargana di tarutung alai adongma parsalisian taringot tu parbagianan manang partuturon gabe Mulak ma Hutapea Bosi on muse tu laguboti.

Menetap jala marpinompari ma Hutapea Bosi i di laguboti, gabe di dokma Goarna Hutapea laguboti.
Jala adong do Umpasa taringot tu Hutapea laguboti dohot pangaribuan songonon: Saruk-saruk panggaruan hutapea do nang pangaribuan.

Songonima turi-turian taringot tu Hutapea na huboto molo adong do turi-turian versi na asing na diboto hamu mangido ma au asa surathon hamu di Komentarni Postingan on.

Horas.

2 Responses to "Turi-turian Taringot Hutapea "

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel