Kumpulan Lawak Batak Sipalas Roha


Berhubung padatnya aktifitas didunia nyata membuat saya terlambat mengupdate cerita-cerita lucu bahasa batak di blog ini.Masih sama seperti postingan sebelum-sebelumnya saya mau update lawak batak yang pastinya baru dan menghibur, oke langsung saja tanpa panjang lebar ini dia ceritanya.

Cara Membedakan Beras Plastik Dan Asli
Di akhir-akhir on, adong muse hal baru nalagi panas-panasna dope, ima BORAS PALASTIK.Sebenarna cara membedahon boras palastik sian boras na asli mura do.Tutung ma ujung ni boras i, molo ditarik mangoloi (melar) berarti boras palastik.
Jala Molo dianggo hamu bau palastik berarti boras palastik mai alai molo dang songoni boras asli mai.Adong dope cara na paling akurat, carana allang hamu ma boras i songon boras biasa jadi pas BAB hamu bereng hamuma, molo nakaluar songon kotoran biasa berarti boras asli, alai molo nakaluar tarsongon EMBER, GAYUNG, BASKOM, CANGKIR, dohot n asing berarti BORAS PALASTIK doi.Unang be allang hamu, sotung marjea hamu mangallang.

Alani Mabiar Begu Ganjang
Ala musim begu ganjang, jadi mabiar ma siKojek modom sahalakna alani i rap dohot oppung dolina ma ibana modom.Pas tonga borngin haccit butuha ni sikojek didungoi ibana ma oppungna.
"Oppung, dungo jo ho.."
"Aha i kojek.?"
"Haccit butuhakku, dongani jo au tu wc, mabiar au."
"mondohondok au, lao ma sahalakmu."
"Dongananmu do au? manang huberakkon ma dijoloni pintu on?"
"Olo disi pe taho, Alai disambola hambirang ho dah... alana nunga adong tekku di siamunni pintu i."
Hape naparbiar do tong oppung nai.

Umur Fosil
Dinasahali disukkun sahalak mahasiswa ma panjaga ni museum tikki penelitian ibana.
"Nga sadia umurni fosil Dinosaurus on?"
"Nunga 1 Juta tahun, 4 bulan 10 ari.
"Bah sian dia diboto hamu sampe detail hian songoni?"
"Alana Tikki baru masuk au husukkun tu penjaga na dison, umurna 1 Juta taon di paboa, au nunga karejo 4 bulan 10 ari dison."

Gula Habis
Ro ma dongan ni sahalak ama naung leleng dang pajumpang martamu tu jabu nasida, jadi dung pasombu sihol hundul ma halaki manghata-hatai kebetulan ari pe nunga mulai borngin.Sambil manghatai digora amantai ma inantana na lagi didapur.
"Ma... baen jo kopi i, di hami."
Hape tompuma mate listrik, jadi golapma halaki manghatai.Roma inantani parjabui sian dapur nanget-nanget.Alani golap, dirimpu ibana do tamu nai amantana.Dihusippon inantai ma tu tamu nai.
"Nunga habis Gula."

Lao Mardatu
Adongma sahalak dakdanak namar goar Si PITU. Jadi ganup ari diparsikkolaanna sai holan na hona ejekan ni donganna ibana. Jadi lao ma ibana tu datu marubat.
"Tenang maho, anaha, dang na ejekon ni donganmu be ho, mana ise namangarehe-rehei ho ikkon mencret."
Toho ma attong marsogot nai di parsikkolaan sude murid na mangejek ibana mencret, Sampe loja ma halaki bulak balik tu Wc asal mandok goar ni ibana. Alani lao ma akka dongannai marubat tu datu napaling jago.
"Nga disantet be hami oppung." Inna dongannai.
"songon dia santet nai?"
"asal hudok hami goar ni dongan nami i sai pintor mencret hami, maos ma hami tu Wc ala ni i."
"oh gampang doi, ise goarna?"
"Abang ni onom, Anggini walu."
"Oh Pitu." Preeettt tor mencret ma datu i.

Mangutang Minyak
Disada tikki disuruh omakna ma sahalak dakdanak tu lapo ni nantulangna mangutang minyak makan (minyak goreng) 1 kilo.
"Nantulang, inna omak, utang jo minyak makan sa kilo."
"Nion minyakna bere," sambil mangaleon minyak. Alai dang langsung mulak dakdanak i disi ma ibana jongong-jongjong.
"Boasa dang mulak dope ho bere, dang naeng pakkeon ni eda minyak i?"
Dialusi dakdanak i ma.
"Paimahon hepeng ulakna au"

Cara Mendeteksi Uang Palsu atau Asli

Bornginon berbagi tips mengenali uang palsu manang asli majo au.Langsung ma ateh.
1.Hepeng 100.000,50.000,20.000 loppit gabe opat bagian memanjang baru agak ditekan-tekan, dungi bukka nanget-nanget, molo marpoccaan do kacamatani Bung Hatta, WR.Supratman, Dohot Kihajar Dewantara berarti palsu, khusus Arga 50.000 coba cek teks endena, Molo so Indonesia Raya berarti palsu.
2.Hepeng 10.000 sarupa do, parjolo lompit opat simetris.Baru tekan-tekan muse secukupna.dungi idama molo gabe matonu do hepeng i alani sabur huanai manang madekdek sanggul ni Cut Nyak Din berarti palsu mai.
3.Hepeng 5000 buat sisir sian jabu, dungi gesekkon tu hepeng i, molo mardekdekan do jenggot ni Imam Bonjol berarti hepeng palsu doi molo tambah ganjang pe palsu doi.
4.Hepeng 1000 Lului ma SD negeri na paling jonok, peakkon ma di jolonai, molo mago do berarti asli.
5.Hepeng 500 Harotas, Agak maol do mananda on asli manang daong alana anak SD pe nga mulai di cueki hepeng on, Sada-sadana cara ima, Posat-posat hamu ma hepeng i gogo-gogo molo Menjerit do bodat nai berarti palsu.

Sales Termos
Disada tikki roma sales ni termos tu jabuni sahalak ina.
"Aha i?"
"termos" alus ni salea i.
"Fungsina aha?"
"Mambaen na mohop tetap mohop nangali tetap ngali."
Bah nga cocok on inna rohani inantai.Dituhor ibana ma termos i.Marsogot nai diboan inantqi ma tu parkarejoanna termos i. Disukkun donganna ma ibana.
"Aha i boh?"
"Termos do on."
"Aha fungsina?"
"Mambaen na mohop tetap mohop nangali tetap ngali."
"attong aha ma dibaen eda dibagasan?"
"Ehe.. Kopi doi 3 galas, dohot Eskrim sagalas."

Manjangkit Kalapa
Adongma dua halak namardongan tadokma si kojek dohot sipejel, jadi sipejel on jolma na mapitung do (Buta).Disada tikki lao ma halaki manjakit kelapa.
Kojek:"ditoru ma ho mangetong dah lae..." Mangantusi ma attongsipejel ai so boi idaonna, sian soara na ma dibegei.Manjangkit ma sikojek, mulai ma di dabuhon ibana.
"bukkk..."
Pejel:"sada lae..."
"buukk"
Pejel:"dua lae,"
 "bukk... bukk..."
Pejel:"tolu, ehh... opat lae."
Tompu ma dabu sikojek sian ginjang.
"Gruuuuubbbububukkkk!!!"
Pejel:"Mantap lae, ngamadabu be sajangjang bolon."

Gote
Jadi tikki lao si Ucok tu jakarta mardalani tijabuni tulangna, hundul ma ibana di jolo jabu agak botari-botari. Lewat ma par bakso tikki i,
"Bang itu baksonya berape duit?" Inna ibana agak sipanggaron marbahasa betawi.
"Gope." inna parbakso i mangalusi.Bingung ma si Ucok lapatanni gope alana dang sude istilah dope diboto alai dang olo talu ibana.
"Kurang boleh bang?"
"Maunye berape?"
"Gote."
Bingung ma parbakso i.
"Gote itu berape bang?"
"Heheh Kasih tau dulu Gope berapa baru kukasih tau Gote berapa."

Orang Karo Vs Jawa
Adong ma halak karo dohot halak jawa di pangarantoan.Jadi inna halak karo on ma, tuhalak jawa.
"Di Berastagi nunga diusir sude halak jawa na adong disi."
"Boasa?" inna halak jawa on.
"Alana naeng di ubah halaki BERASTAGI gabe BERAS KUNING."
Tersinggung halak jawa i.dibalas ma.
"Diboto hodo boasa dang adong halak Karo gabe pilot?"
"Boasa?"
"Alana olo disurat halak karo annon di kacani pesawat i BRE KARONA."

Babi Hitam
Disada tikki naik Taksi travel ma sahalak halak hita.Ditonga dalan manumpang ma halak Bule.
"Adong sewamu babi putih ateh lae." inna tu supir taksi i.Dung sahat bule i tu tujuanna, dileon ma ongkosna hepeng nabalga baru tor lao ibana.
"eh... bule... bulee... bule.... ini kembalian ongkosmu." inna supir ni taxi i manggora
"Kasih aja sama babi hitam yang didalam itu." inna Bule i mangalusi.

Dipecat Mandor
Pajumpang dua halak namardongan di lapo tuak.
"Bah... dipecat mandor ho inna akka dongani lae, toho doi?"
"Ido bah lae."
"Mahua haroa asa dipecat lae?" penasaran.
"Ai diboto lae do kan karejo ni mandor holanna jong jong do mamereng-mereng di parkarejoan, jala tanganna sai dipamasuk tu sakkuna?"
"Bah sude do mamboto i lae, jadi mahua haroa?"
"Cemburu mandor i tuau, ai gabe au do dirimpu akka dongani mandor ni halaki."

Mulak Marnatal
Nunga mansai leleng gelleng ni sada keluarga diluar negeri dang mulak mandulo halaki.Jadi pas tanggal-tanggal 20 desember di telpon amantai ma gelleng na.
"Halo amang, marsirang nama hami dohot omakmu." Tarsonggot ma attong anak nai.
"Hah!!!... Sirang bapa dohot omak?" Tarsonggot anak nai mambegei.
"Olo amang."
"Unang jo sirang hamu bapa, jolo hutelepon ito di Jerman, asa rampak ro hami marsogot lusa tu toba."
Holan dipamate anak nai telepon tor didok amantanai ma tu istrina inantana:
"Mah... Mulak do inna halaki marnatal sogot lusa hehehe"

Tolu Taon Dang Mulak Istri Melahirkan
Pajumpang ma dua halak naung leleng mardongan di Tempat hiburan malam, di daerah jakarta.
"Bah, songon na ceria do bohimu lae, na adong do Gud nius?"
"Ima dah lae, di telpon istriku au sian Porsea, nunga melahirhon inna ibana, alani do las hian rohakku, Sonari au pe mambayar minumanmu."
"Woww... selamat gabe bapa ma lae, berarti ikkon hatop nama ho mulak tu huta."
"Olo lae, sogot terbang nama au, nga hutuhor tikethu, apalagi nga tolu taon iba dang mulak tu Porsea."

Tamat SMA Mangalului Karejo
Dung tamat SMA si Ucok langsung naeng karejo ma ibana ala soadong hepeng ni natua-tuana molo kuliah.Dijumpangi ibana ma tulangna pengurus Parpol naeng mangido karejo.
"Tulang, lului jo karejo diau."
"Baru tamat sma doho ateh, molo songoni gabe pengurus Parpol maho." Inna tulangnai.
"Maol do rai tulang."
"Tabo do gabe pengurus partai, annon boi ho gabe anggota DPR, gabe ketuani DPR manang MPR, boi gabe Wakil presiden, gabe presiden pe boi do."
"Ah nga patimbohu i di au tulang, na sederhana ma tarsongon guru SD contona."
"Maaf majo bere, Molo naeng guru SD doho ikkon sarjana doho."

Songoni majo ateh dongan, di tikki na asing ma hu lanjut muse.

0 Response to "Kumpulan Lawak Batak Sipalas Roha"

Post a Comment

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel