Lawak Batak Zaman Now!


Adong sada istilah na lagi booming akhir-akhir on, ima istilah Zaman Now. Hombar tu istilah i, tong do naeng bagihononku cerita lucu lawak batak naboi mambaen mekkel jala pasonang roha.

Tips Di Kerumuni Cewek
Sip-sip sahalak doli-doli lao tu Bar mangalului hiburan.Dung sahat tarsonggot ibana mangida donganna kompakna lagi asik Cipika-cipiki dohot 5 halak boru-boru.Ala penasaran disukkun ibana ma carana asa boi dikerumuni boru-boru.
"Bohado dibaen lae asa godang boru-boru mandongani lae?"
"Tikki naeng hundul lae, sampathonma kunci ni mobilmu tu meja pintor ro do boru-borui annon." Inna dongan nai mangalusi.
"Ai so adong mobilhu lae, kareta do na adong ipe nga maol meret."
"Ai aupe so adong mobilhu, gantungan kunci ni mobil Ferrari ido hutuhor, songoni ma baen."
Marsogot nai ro muse doli-doli i tu bar, holan disi sahat pintor di sampathon ma kunci ni mobil tu meja.Alai dang adong nanggo sada boru-boru naro.Dibuat ibana muse kunci i dipamasuk tu sakkuna, dungi lewat ma muse dua halak boru-boru pintor disampathon ibana muse kuncina i tumeja, gabe mekkel ma boru-boru i mangida huhut dihusiphon tu doli-doli i.
"Jolo bukkaonmu do antong helm mi barupe hundul ho."

Pertanyaan Tikki Reunian
Molo hita reunian dohot dongan mansai godang do sukkun-sukkun naro, jala ternyata sukkun-sukkun i disesuaihon tu umurta.
Diumur 30 taon, sukkun-sukkunna: "Didia ho karejo?"
Diumur 40 taon, sukkun-sukkunna: "Nunga piga gellengmu?"
Diumur 50 taon, sukkun-sukkunna: "Pahompumu nunga piga nuaeng?"
Diumur 60 taon, sukkun-sukkunna: "Akka ise donganta naung mate?"
Diumur 70 taon, sukkun-sukkunna: "Ise donganta namangolu dope?"
Diumur 80 taon, sukkun-sukkunna: "Ise ho?"

Tukang Tambal Ban
Adong sahalak doli-doli na lugu naung marumur kepala opat karejona tukang tambal ban.Jadi disada tikki diboan omakna ma sahalak anak boru asa dioli, singkat cerita gabe saut ma halaki markeluarga.
Alani luguna pas malam pertamanai bingung ma ibana sian mulai botari sahat tu tonga borngin dang dapotna dope SASARAN TEMBAK, busisaon ma ibana dibagas kamar.Merasa kentang kaluar ma ibana sian kamar marisap mangalului ide.
Dungi diboan ibana ma ember marisi aek tu kamar, disuruh ma inantanai hundul di ember i.Ala pengantin baru i dioloi inantanai ma nangpe sukkun-sukkun dibagas rohana.Tiba-tiba manghatai sandiri ma amanta nai mangida gelembung-gelembung udara di baskom i.
"Oh... disi do hape lobangna... Bah!"

Salah Buku Jamita
Adong sahalak pandita diundang marjamita tu sada gereja na kebetulan pandita disi dongan sakamarna hian tikki kuliah sikkola pandita.
Kebetulan muse isi ni jamita i taringot namangaleon mangan 5000 halak.Songon naso somal pandita na ro i mambaen ilustrasi tentang resep masalan.Dang dirimpu pandita i jamita nai menarik perhatian, terutama akka kelompok ina.
Ala di boto pandita ni ruas i naso diantusi dongan nai hian mangalompa, disukkun ibana ma dongannai.
"Jago jamitamu bah lae, sejak andigan gabe malo lae mangalompa?"
"Sstt lae... na berimprovisasi do au nakkin, tartukkar jamita nahusurat nabodari dohot buku resep ni inantaku."

Mangallang Duhut
Adong dua halak ina-ina namartetangga manghata-hatai.
"Nasogot eda, tikki mulak pataru beremuna sikkola au jumpanghu ama-ama mangallangi duhut di dalan, dibotoho do aha alusna tikki husukkun boasa mangallang duhut?"
"Aha eda?"
"Nga tolu ari tolu borngin inna ibana dang mangan, hepengna pe dang adong nanggo apala sapeser.Gabe duhut ma diallangi ibana"
"Truss... truss?"
"Gabe asi rohangku mangida, huaja ma amantai tu jabu."
"Boasa pola ajakonmu tu jabu, nanggo hepeng hian leononmu."
"Kebetulan nunga ganjang duhut dipudi jabu nami eda."

Marsahit Step
Sahalak ina naik angkot mangabing boruna na gelleng dope huhut manghata-hatai dohot supir ni angkot i.Kebetulan di kucir inantai obuk ni boru nai.
"Inang, sahira na Step huida boru muna on.Bereng ma simalolongna bollang herana naeng kaluar" inna supir i tarsonggot.
"Ah bohai amang?" Inna inantai ala hurang pengalaman.
"Molo hubereng herana hona step." Inna supir i meyakinhon.
"Jadi boha namaon amang?"
"Taboan ma tu Rumah sakit."
Sahat dirumah sakit pintor diboan borunai tu ruang perawatan, dungi roma dokter tusi
"Namahua borumon inang?"
"Step dok, sian nakkin matana bollang."
"Antong pahundul inang majo asa huperiksa."
Dang pola sadia leleng kaluar ma dokteri dohot boruni inantai sian ruang pemeriksaan.Nga boi be borunai mekkel-ekkel.Gabe heran ma inantai, disukkun ma dokter i.
"Hebat do dokter bah, holan sekejap boi malum namarsahit diubati dokter."
"Ai dangna step borumon inang."
"Jadi nabohado?"
"Nion... (Sambil patuduhon karet golang tu sibutet) napagogohu do di kucir hamu obukna gabe bollang matana."

Mangido Manuhor Gitar
Disada tikki tangis ma sahalak dakdanak mangido asa dituhor bapana gitar.
"Bapa tuhor jo gitar hu."
"Ah... annon gabe holanna mabuk karejom."
"Daong bapa, asa marsiajar do au."
"Oke hutuhor pe annon, alai ikkon lagu rohani do endehononmu."
Borngin nai dung dituhor bapana gitar, marende ma ibana dikamar.
"Malo nai ho hasian mambuat roha... tarsongon..."
Tompu masuk bapa tu kamar
"Ai aha do endemi."
Alani mabiar pintor dilanjut ibana ma marende.
"Tarsongon lali i habang mansai timbo...."

TIKET SEKALI JALAN
Ai heado dibege hamu peristiwa kapal Titanic? Adong do sada halak batak penumpangni kapal Titanic na lonong i.
Di tikki nga mulai lonong be kapal titanic i, humalaput ma sude halak menyelamathon diri, alai tenang-tenang do anggo si halak batakon.
"Boasa tenang-tenang lae, kapal naeng harom?" Inna jolma manukkun.
"Maruntung hian au lae."
"Maruntung bohado, Mate nama hita."
"Tuani do hutuhor tiket sahali jalan, molo pola tiket pulang pergi rugi hian ma au."


Nilai 100
Adong sahalak dakdanak baru mulak sikkola, sahat di jolo ni jabu nunga di gorai omakna.
"Oma... oma..."
Dialusi omakna ma sian bagas jabu.
"Ahai songonna jou-jou ho."
"Dapot nilai 100 au ujian semester oma."
"Bah pelajaran aha mai amang?"
"Matematika 35, Ipa 25, Bahasa indonesia 40.Seat manuk dah oma..."
"Imbulu ni gedek-gedek hon ma diho."

Karejo Dipertamina
Adong dua halak ina-ina manghata-hatai taringot ianakkonna be.
"Didia do tahe borumuna siangkangani karejo eda?" Disukkun inanta naparjolo.
"Di Pertamina eda, bagian pelayanan konsumen." Ala karejo di SPBU do borunai.
"Molo anak siangkanganmi eda didia karejo?" Inna inanta i balik manukkun.
"Di Pertamina do tong eda."
"Bah, bagian aha eda?"
"Bagian Pemasaran langsung eda."
Hape tong do karejo di SPBU anaknai.

Anak Ni Biang
Tikki i acara perpisahan Sikola. Sahalak guru mandapot kado sian muridna. Sibutet boruni partiga-tiga bunga mamboan kado tu gurunai.
"Pasti bunga na dilehonmon." Inna gurui menebak.
"Ido ibu."
Si Pejel anakni partoko roti dohot mamboan kado.
"Pasti Roti na diboanmi."
"Ido ibu.."
Naterakhir si Kojek anakni parkode MIRAS mamboan kado dibagasan kotak.Dileonma kado i tu guruna, kebetulan marlubang kotak nai gabe adong na nanetek.
Di dai gurunaima namanetek i pake jarina.
"Bir do on?"
"Daong ibu.
Didai gurunai muse pake jarina.
"Pasti Kamput"
"Daong bu."
Didai gurunai muse sahali nai.
"Jadi aha do on?"
"Anak ni biang doi bu."

Panakko
Amanta"Nga dua hali perampok na sarupa ro tu toko taon."
Inanta:"Ima sai dibaen ho do antong spanduk di jolo SILAHKAN DATANG LAGI ".

Dilarang Maridi
Ditikki mardalani si Butet tu sada huta jumpangna ma sada sunge na met-met.Dibuka ibana ma sada-sada pakean na siap-siap lao maridi. Tompuma kaluar sahalak ama-ama parhutai sian ramba-ramba partabunianna.
"Dilarang maridi dison, dang boi maridi di binanga on." Inna amanta i.
"Boasa dang sian nakkin di dok hamu tikki so hu buka dope bajuku." Inna si Butet marungut-ungut sambil humalaput mambuat pakenanna.
"Memang di son dang dipaloas maridi.Alai anggo masalah na bukka bajui dang adong mangorai hamu."

Pertanyaan Dosen Filsafat
Masukma sahalak Dosen ahli filsafat tu sada ruangan kampus mangajar kuliah.Sambil mameakhon kursi di jolo manghatai ma ibana.
"Buktihon hamu majo kursi on dang adong."
Sude mahasiswanai sibuk manurati pendapatna be di harotas.Alai adong sahalak mahasiswa holan 5 detik do nga sae di jawab ibana.
Dung di papungu, di periksa dosen ima jawaban na.
"KURSI NADIA?" ima tarsurat di lembar jawaban nai.

Songonima piga-piga cerita humor sian au, mauliate.

0 Response to "Lawak Batak Zaman Now!"

Post a Comment

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel