Koleksi Humor dan Lawak Batak


Kembali lagi saya hadirkan postingan lawak batak terbaru dan tentunya berbeda dengan cerita lucu sebelumnya.Adapun postingan ini berisi rangkuman dari beberapa humor semoga saja berhasil membuat anda tertawa.

Namasa Taon 1912
Adong sahalak guru sejarah mengajar tentang peristiwa di taon 1900-an.
"Diboto hamudo peristiwa malapetaka aha na terjadi ditaon 1912?" Inna guru i manukkun.
Sahalak murid na jugul mangalusi sukkun-sukkun ni guru i agak sipanggaron.
"Kapal Titanic lonong ala manabrak gunung es bu guru!"
"Toho,... didiama kejadianna?"
"Di Atlantik Utara bu guru!" Pintor hatop di alusi si murid i jala gogo.
"Bulan piga ma kejadian i?"
"April.." inna murid nai mulai sombong ala merasa diboto ibana.
"April tanggal 12." Inna manambai.
Nga mulai kesal be antong gurunai, ala hurang sopan muridnai mangalusi"
"Piga halak ma sude penumpang dohot anak buah kapal na?"
"1517 bu guru."
"Saonari, pajojor majo goar ni halaki sada-sada."

Tangiang Ni Dakdanak
Di sada borngin tarbegei sahalak ama ma anakna martangiang
"Ale Debataku, ramoti ma omak, bapak, oppung boru selamat tinggal di oppung doli." Bingung si amantai aha do lapatan ni tangiang anak nai.Marsogot nai tompu ma mate oppung dolina hona serangan jantung. Piga borngin nai muse dibegei amantai ma muse martangiang anak nai.
"Ale Debataku, ramoti ma omak, bapak selamat tinggal oppung boru." Nga mulai risau be amantai mambegei tangiang ni anak nai. Matema muse marsogot pagi nai oppung boruna hona serangan jantung. Lam tamba ma biar ni si amantai dung di begei ibana muse martangiang anak na dung piga-piga borngin nai.
"Ale Debataku, ramoti ma omak selamat tinggal bapak." Dang be modom amantai borngin i, pagi-pagi hian dope lao ma ibana tu dokter memastihon naso adong sahitna. Dung mulak ibana jumpangna ma inantana di jolo ni jabu paimahon ibana.
"Na sian dia doho bang? Molo dison ho nasogot pasti boi dope tartolong, narepotan dison nasogot." Inna inantana.
"Aha haroa namasa?" Sukkun amanta i penasaran. Sambil tarilu-ilu di alusi si inantai ma.
"Tukang dodos sawit ta,mate na sogot hona serangan jantung."

Manonton Volly
Disada tikki manonton Pertandingan Volly ma sepasang suami istri. Biasama molo volly Internasional sahira sempak do dipake salawarna alani pendekna.
"Asing... holan sempak do dipake bang." Inna inantana.
"Jadi pake aha do maksudmu?"
"Mar Rok ma nian."
"Marrok do nimmu... bah masuk-masuk ma dah bolai."

Manawarhon Bisnis Tu Natua-tua
Adong sahalak parbisnis, manjumpangi sahalak natua-tua namora naung marumur 90 taon lao manawarhon bisnis.
"Adong baru huboto investasi naboi mambaen artamuna martamba marlompit-lompit dibagasan 3 taon."
"3 taon nimmu?... sai margait-gait doho."Inna natua-tuai.
"Sugari manuhor Pisang natata pe nga mabiar au atikna sosanga be masak huallang."

Tanda Tanya
Adong sahalak pandita namanangiangkon sahalak ama sian ruasna nalagi koma di Rumah Sakit andorang so lao pandita i mandohoti rapat tuluar kota. Piga-piga ari nai muse, jumpang ni pandita ima inantani ruasnai.
"Horas inang, nunga boha saonari kabar ni amangi? Koma dope?" Sukkun pandita i.
"Oh, dang koma be amang, nunga gabe tanda tanya be."
"Boasa dohonon ni inang tanda tanya?" Bingung pandita i.
"Maksudhu amang, gabe tanda tanya do au nuaeng, masuk tusurgo do manang tu neraka amantaki."

Bulan Puasa
Tikki sikola au najolo, jotjot do lao au tu kota medan setiap libur puasa dohot hari raya.Nasahali heama jumpangku sahalak natua-tua naso adong jabuna tangis-tangis, jadi husukkun ma natua-tua i.
"Mahua tangis hamu amang?" Nikku.
"Setiap salpu ma bulan puasa lungun hian huhilala.
"Oh, toe ma amang taon na ro ma ta paima muse?" Hucoba menghibur.
"Masalah na jatah makanan dohot minuman gratis dang adong be setiap buka puasa."

Manuan Gambiri
Tikki martandang sahalak ama tu porlak ni hombar balokna marnonang ma halaki.
"Asing dabah lae, husuan gambiri di porlak hon alai na tubu gadong hau." Inna hombar balok nai curhat.
"Ah... bohai? Songondia ceritana?"
"Tolu bulan nasalpu husuan dison gambiri, alai saonari tubu gabe gadong hau."
"Atikna lupa do lae posisina didia disuan lae?"
"Daong lae, huingot dope jelas dison do, ai hupantikhon do gadong hau tanda-tandana."

Minyak Babi
Adong sahalak ama-ama lao tugas tu bali.Andorang so borhat di tonahon inantana ma tu ibana asa unang sembarangan mangan.
"Annon abang molo sahat tu bali unang sembarangan mangan dah.Jolo sukkun jo di lompa pake minyak aha, molo pake minyak babi unang allang annon kambuh sahit mi."
Dung sahat amantai tu bali masuk ma ibana tu rumah makan naeng mangan.Di ida ibana ma kentang goreng songon na tabo do di ida ibana.
"Pake minyak aha do di goreng hamu Kentang on?"
"Pake minyak babi." Inna pelayan mangalusi.
Dang boi huallang i, inna rohani amantai marningot tonani inantana.
"Molo sayur kangkung on pake minyak aha di lompa hamu?"
"Pake minyak babi doi." Dungi di ida amantai ma rendang.
"Molo on rendang aha?"
"Rendang jagal babi doi."
"Pake minyak aha di lompa hamu?"
"Anggoi pake minyak Bimoli."
"Ima di au napenting dang pake minyak babi di lompa"

Maminjam Hepeng
Adong sahalak naung terkenal sebagai parutang busuk manukkun hepeng ti donganna.
"Lae... sadia hepengmu saonari?"
"Antara 980 ribu sahat tu sajuta lae." Inna dongan naon mangalusi, ai nga diboto pasti naeng maminjam do dongan nai.
"Wahhh godang nai, pinjam jo 100 ribu lae!."
"Sian dia hepengku, holan 20 ribu do  adong hepengku"
"Alai didok lae antara 980 ribu sahat tu sajuta?"
"Ima, Antara 980 ribu sahat tu sajuta kan 20ribu?"

Dompet Tinggal
Oppung doli dohot oppung boru baru mulak makan malam di sada restoran.
Dipardalanan mulak tompu ma di ingot oppung boru tinggal dompetna di restoran nakkin.
"E... putar balik jo tu restoran nakkin.Tinggal dompethu." Inna oppung boru nga mulai busisaon.
"Ee... lak so adong do boi di ingot ho." Kesal oppung doli.
Dung sahat di restoran i pintor di tuju oppung boru ma tu meja ni halaki sinakkin.
"Laos buathon jo tahuluk hu na peak di mejai." Inna oppung doli.

Terjemahan Langsung
Adong sahalak ina-ina namaranak pese sian huta lao tu Kota.Maklumma hurang dope marbahasa indonesia.
Di kota i naik ma inantai tu sada angkot sambil mangabing gelleng na hundul inantai di lambungni sahalak ama-ama ala nunga ponjot angkot i.
Ala ponjotna hapitma gelleng nai, marbahasa indonesia ma inantai versi terjemahan langsung.
"Pak geser dulu kesatuan." Inna inantai maksudna mandok di hata batak 'amang geser jo tu sada an.'
"Sudah terjepit kecilku." Inna inantai muse maksudna mandok 'Nga hapit gellenghu'.

Ima piga-piga lawak di postingan on, semoga terhibur.

0 Response to "Koleksi Humor dan Lawak Batak"

Post a Comment

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel