TOP! Koleksi Lawak Batak Campuran


Jika anda mencari hiburan untung penghilang suntuk atau mencari sesuatu yang dapat membuat tertawa disini saya sudah siapkan beberapa kumpulan lawak batak campuran.Humor ini merupakan koleksi terbaru dari cerita-cerita lucu yang sudah pernah saya posting sebelumnya.

Jabuni Natua-tua
Curhat ma sahalak doli-doli tu donganna tikki lagi dilapo tuak halaki.
"Naeng mangoli au dohot hallethi lae."  Sambil pagalak sigaret.
"Alai bingung au, naeng tinggal didia annon hami." Dilanjut iabana hatana.
"Boasa dang tinggal di jabuni natua-tua ni hallet mi hamu?" Inna dongan nai mambaen usul.
"Nga borat i lae, ai natua-tuani hallethi pe tinggal di jabuni natua-tuana do."

Harga Susu Turun
Nantuari lao au manuhor susu di sada minimarket. Argana 60ribu. Dungi lao ma nakkin au muse tu minimarket i lao manuhor perlengkapan mandi. Dang sengaja tarbereng au ma muse arga ni susu i gabe 57ribu. Ala penasaran au,husukkun ma kasirnai antong.
"Kak, susunya udah turun yah?" Gabe hening ma suasana satokkin, jala murhing huida bohina. (Aha do nuaeng salahku)

Manukkun Dakdanak
Disukkun sahalak ama ma anakna namet-met dope.
"Tu ise do umholong rohamu, tu au do manang tu omakmu?"
"Tu hamu nadua holong do rohangku." Inna anak nai mangalusi.
"Andaikata majo au lao tu amerika, omakmu lao tu Paris tudia do ho dohot?"
"Tu paris madah, alana mansai uli do inna Paris."
"Jadi molo seandaina au lao tu Paris omakmu lao tu Amerika tudia doho dohot?"
"Tu Amerika ma antong, ai nabaru dope au sian Paris."

Tips Hatop Mamora
Dung mamora si Kojek roma sahalak donganna sian huta manukkun tips asa hatop mamora.
"Lae, ceritahon jo songon dia dalanna boi mamora lae?."
"Songonon doi lae, tikki i argani pining Rp500 sakilo, ima hutuhor dungi hu jomur jala hu lakkati, ima hu gadis muse gabe 5 ribu sakilo."
"Holan songoni do lae?" Heran dongannai.
"Olo lae, sataon ma hu ulahon songoni."
"Holan mangalakkati pining sataon lae gabe mamora?" Lam tambah heran dongannai.
"olo lae, dung sataon au mangalakkati pining matema simatuaku, dapot warisan ma au tano dohot hepeng 5M."

Supir Bos
Disada terminal, adong sada bus naung ponjot jolma dibagasan alai dang marna berangkat dope bus i. Gabe busisaon jala kesal ma sude penumpang nai paimahon.
Roma sahalak ama-ama maniop botol bir ngotot naeng naek tu bus i, alai dionjar penumpang na dibagasan do ibana ala nga pa ponjothu. Marulak-ulak di coba amantai naeng naek, alai torus hona onjar ibana. Muruk hian ma amantai dungi inna ibanama.
"Au do supir ni motor on, naeng berangkat do hamu manang daong?"

Mangido Tolong Tu Pastor
Sahalak borua lao mardalani tu Amerika, dibagasan pesawat hundul ma ibana di lambungni sahalak Pastor. Dung naeng sahat halaki minta tolong ma si butet tu pastor i.
"Bapa, minta tolong majo au."
"Minta tolong aha?"
"Adong huboan pengering rambut na arga, nga melewati batas bea cukai.Minta tolong ma au tabunihon jo toru di Jubahmi bapa."
"Hu urupi pe ho, alai molo disukkun annon jujur do au dah."
"Holan mangida bapa na jujur dang adong namanukkun i."
Dung sahat halaki di bea cukai, di paloas ma pastor i parjolo.
"Bapa adong nanaeng si laporhononmu?" Sukkun petugas nai.
"Sian ulu sahat tu gontinghu dang adong." Asing alus ni pastor on inna rohani petugas i.
"Jadi molo sian gonting tu toru adong nanaeng laporhononmu bapa?"
"Adong di au Instrumen tagelleng luar biasa hian, dirancang khusus lao pakkeon ni boru-boru alai sahat tu sadari on dang hea hona pakke dope." Mambegei mekkel hian ma petugas i.
"Hhaha... masuk, masuk maho bapa."

Merasa Tertekan
Sibutet baru mulak sian Klinik ala merasa kurang enak badan. Sahat di jabu di sukkun amantana ma ibana.
"Aha do sahitmu inna dokter i mah?".
"Dang adong pah, holan agak tertekan saotik, di saranhon dokter i do asa liburan jo tu Bali, Singapur, Paris dohot New York, tu dia do tumagon hita lao pah?"
"Tu dokter na asing ma hita lao."

Mangalompa Spageti
Marceritama sahalak ama tu donganna taringot tu lompa-lompa ni inantana.
"Nantuari mangalompa spageti, pake buku resep na dituhorna langsung sian italia."
"Bah, pasti nga tabo hian spageti nai dah lae."
"Ima naso huboto didia salahna lae, naso diboto inantakku do mangalompa manang manjaha do naso diboto ai somardai lae."

Ditodong Pareman
Tikki mulak borngjn siucok sian parkarejoan adongma dua halak pareman mangambat ibana huhut di todongkon piso tu rungkungna.
"Dia jo hepeng logam mu sada."
"nnnion..." Alai nga mabiar hian ibana. Ala penasaran disukkun siucok ma pareman i.
"molo hepeng logam do nanijalo muna boasa ikkon pake piso hamu?"
"Lao lemparhonon nami do on, molo na tarida gambar diau dompetmi alai molo nomor do natarida di ibana dompetmi." Inna pareman i mangalusi.

Pasien RSJ
Tikki ro sahalak pengunjung tu rumah sakit jiwa adong di ida ibana sahalak doli-doli na marangan-angan huhut sai mandok 'Buteett... Buteettt..' disukkun pengunjung i ma dokter namandongani ibana.
"Alani ni aha gila i dok?"
"Ala ditolak si Butet do cintana, sibutet haroa halletna hian" inna dokter i mangalusi.
Dungi mardalan mamuse halaki manang piga kamar nai, di nasada lorong i adong muse jumpangna ama-ama mangantuk-antukhon uluna tu dinding huhut mandok 'Buteett.... Buteeett..' Ala penasaran disukkun pengunjungi ma muse.
"Nagila aha ni aha muse on dok?"
"On ma na saut mangoli tu si butet, gabe songonon bayon nei."

Muntut-muntut
Sahalak anak boru lao tu toko mas naeng mamereng-mereng cincin.Sahat di toko i muttut ma ibana, ala disi penjaga tokoi mangida senyum-senyum ma anak boru i, ai dirimpu dang dibegei penjaga toko i.
"Naeng mangalului aha inang?" Inna partoko i manukkun.
Sahali nai muntut ma muse ibana sambil manukkun arga.
"Sadia argani cincin on..?"
"Molo holan mangida cincin on pe nga muttut-muttut hamu, apalagi ma mambegei argana olo ma tarberak-berak hamu." Inna partoko i mangalusi.

Rahasia Ganjang Umur
Tikki lari-lari pagi si Ucok, jumpangna ma sahalak natua-tua lagi hundul-hundul di jolo jabuna. Di sise si Ucok ma antong.
"Songon na segar dope oppung huida bah nangpe naung matua, aha do rahasiana asa boi oppung tetap segar jala ganjang umur?"
"Dang adong rahasiana, tiap ari au marisap 3 bukkus, minum tuak, mangallangi akka lemak jala dang hea olah raga." Inna natua-tua i mangalusi.
"Bah hebat do ateh.Jadi nga sadia umurni oppung?"
"Tolu puluh Taon."

Milik Bersama
Sabulan dung muli protes ma sahalak istri mangida pangalaho ni amantana.
"Naboha doho bang... asal manghatai hita torus di dok ho jabu ku, meja ku, tv ku, kareta ku.Sai maos holan na di ho sude, kan dang adil songonon."
"Jadi songon dia haroa pangidoanmu?" Sukkun amantai.
"Bah dokkon antong jabunta, mejanta, tv ta, kareta ta.Kan sude barang-barang na di jabu on milik bersama do i."
"Oh... oke ipe taho." Inna amantai.
"Hm... sian nakkin songon na busisaon ho bang, namangalului aha do bang?"
"Adong di ida ho salawar dalam ta?"

Manuhor Tolor
Siucok tagelleng di suruh omakna manuhor tolor tu kode.Pas di tonga dalan adong ma di ida ibana motor tabrakan dohot kareta. Jonjong ma ibana di pinggir dalan mangida namasai sampe ro polisi dohot ambulan.
Dung sae di evakuasi pintor mulak ma ibana, dang di ingot ibana be manuhor tolor. Dijabu marcerita ma ibana tu omakna.
"Omak... omak..., ngeri hian, nakkin adong namarlanggar motor tu kareta, mate ditempat parkareta i, patna ponggol, tangan na ramping, butuhana kaluar uluna sarsar."
Sambil manggiling cabe disukkun omakna ma.
"Tolor nai nga didia?"
"Ee... bah dia huboto atikna tudia sampat i."

I ma piga-piga lawak Batak campuran dipostingan on semoga terhibur.

1 Response to "TOP! Koleksi Lawak Batak Campuran"

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel