Skip to content Skip to sidebar Skip to footer

5 Cerita Lucu Bahasa Batak Bikin Ketawa

Hidup tanpa humor seperti bekerja tanpa hari libur, pasti sangat membosankan bukan? kiasan itu menggambarkan pentingnya humor bagi kehidupan kita.Coba bayangkan jika kita bekerja selama satu bulan penuh tanpa ada hari libur, selain berpengaruh bagi kesehatan tentu mempengaruhi psokologis kita juga.



Suatu humor yang berhasil membuat kita tertawa hampir sama nilainya dengan pergi liburan menghilangkan kepenatan dari aktivitas sehari-hari.Wow... seberapa banyak duit yang dapat kita hemat untuk bepergian merefresh pikiran hanya dengan mengakses cerita-cerita humor yang banyak tersedia di internet dengan berbagai pilihan.

Berikut ini saya akan membagikan beberapa cerita lucu bahasa Batak atau lebih dikenal dengan istilah lawak Batak, semoga saja dapat membuat para pembaca menjadi terhibur.

1.Istri Juga Punya Teman

Adong sahalak ama-ama margoar sikojek na karejo sebagai kapten ni kapal. Dibagas sataon holan dua hali do ibana jumpang dohot inantana naeng markomunikasi pe maol ala jumotjotan do ibana di laut. Jadi dinasahali pas mulak ibana, jumpangna ma inantana lagi patarushon dakdanak.Tarsonggot hian ma ibana antong.

Kojek:"Bah, ise namangulahon on?donganku si Tigor do?" Spontan manukkun disi di bereng inantana.

Inanta:"Daong"

Kojek:"donganku si Lindung?" Alai holan mangupir inantana i.

Kojek:"si Karpidol? Ahhh pasti donganku si Karpidol do kan?"

Emosi ma  inantana.
Inanta:"Sian nakkin sai donganmu di dokkoni ho, dirippu ho holan ho nampunasa dongan?"

2.Gagal Manggombal

Ceritana au naeng manggobal sahalak anak boru sian facebook, tadokkon ma goarna si Bunga (Dang goar sasintongna).
Hu chat ma ibana.
Au:"ABCDEFGHIJKLMNOPQRSTVWXYZ  molo diboto ito huruf aha ma na hurang?"
Di balas ibana ma
Bunga:"Huruf U"
Hu balas muse
Au:"Yes, I Miss U." Marbahasa inggris au, masuk ilmu gombal i.Aha ma nuaeng dibalas inna rohangku.
Bunga:"U Miss U?, keren bah... ho hamagoan ho sandiri."

3.Lupa Tikki Manuhor Balacan

Siucok disuruh omakna manuhor balacan (terasi). Alai marmeam-meam do ibana sambil mardalan, biasa ma dakdanak na agak jugul dang pintor tulus diula ulaonna gabe lupa ma ibana aha do nanaeng situhoron na.

Sahat di kode sai holanna sip ibana, disukkun parkode naung paimahon sian nakkin ma ibana.

Parkode:"Manuhor aha do ho Ucok?"
Ucok:"Agoh kak lupa au goarna, alai songonon ma bauna anggoma... "

Di usaphon si Ucokma tanganna tu ihurna dungi di pa anggohon tu parkode i.
Parkode:"Oh balacan"

4.Tingkat Korupsi Berdasarkan Jam Dinding

Dung kiamat portibi marpungu ma sude jolma sian sude bangso. Godang do disi surusuruan (Malaikat) na manjaga halaki, jala di ganup dinding dibaen suru-suruan i do jam dinding na marlambang sude negara. Alai hatopni putaran ni jarum nai asing-asing do. Tergantung tu tingkat korupsi ni negara masing- masing.

Molo timbo tingkat korupsina lam hatopma jarum jam i mar putar.

Manghata-hataima jolma na adong disi.
Halak Thailand:"Bah... tanda do godang na korupsi di negara nami, songonna hatop do hubereng jam ni negara namion."

Halak Philipina:"Hami pe bah... Songon na so normal do putaran nai, maup mai akka par korupsi do memang di negara nami."

Halak Singapura:"Jam ni negara nami nalambatan fuang, nga godang hubereng alai na di hami dope na umlambat, tanda do dang adong pola korupsi di negara nami.

Halak Indonesia:"Asing,.... dang adong jam ni negara nami... hape umbalga do negara nami sian hamu."

Protes ma attong halak indonesia tu surusuruan na manjaga halaki.

Dungi dialusi surusuruan i ma ibana.
Surusuruan:"Sattabi sappulu hali sattabi, dang na so adong jam ni negara muna, Alai minta maaf ma hami, nga di baen hami be gabe KIPAS ANGIN."

5.Panakko di Jabu ni Namalas

Na jolo di tano batak adong sahalak jolma namansai malas, gabe marpogos ma ibana dang adong nanggo aha di jabuna jala jabuna pe kotor.

Disada borngin roma panakko tu jabui, nunga dibereng sude alai dang adong nanggo aha na boi buaton.

"Mulak ma au" inna panakko i dibagas rohana.

Pas naeng kaluar ibana tiba-tiba didok parjabui ma sian podoman
"Sambil kaluar tutup muse pintu i dah!"
Heffri Hutapea
Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

11 comments for "5 Cerita Lucu Bahasa Batak Bikin Ketawa"

Jangan Lupa Tinggalkan Komentar Kawan!!