5 Cerita Lawak Batak Terbaru dan Lucu Bikin Ketawa

Cerita lucu Batak

Cerita lawak Batak yang lucu pasti bikin orang ketawa, apalagi humor tersebut masih baru pertama kali dibaca. Makanya orang selalu berusaha mencari cerita lucu terbaru, baik itu yang pendek ataupun panjang.

Pada kesempatan kali ini saya kemali membagikan 5 cerita lucu yang terbilang populer di kalangan orang Batak. Karena ada beberapa dari cerita lucu berikut ini sudah sering kita dengar, tetapi walaupun begitu tetap saja tertawa setelah membacanya berulang-ulang.

Inilah kumpulan lawak batak yang pasti bikin ketawa dan terhibur

1. Sipulut ni inang bao
Disada huta adong sahalak ama na 7 halak ianakkonna (attar somal do jolma najolo torop pinomparna). Dinasahali tarbereng ni amanta on ma inang baona modom, memang inang baonaon poso dope jala ulido memang rupana. Hape dinamodom inang baona on ranggangma hae-haena.

Mulai siani gabe marsahitma manang tarhirim amantai, jala posi situtudo sahitnai. Nunga loja inantana dohot keluarga paubathon tu medis dohot tunamalo, alai didok dokter dang adong sahitni amanta i, alai nangpe songoni apala burju ma nian disukkun sinonduk naon amantai jala dielek-elek manukkun atik adong na pinarsinta ni rohana umbahen na marsahit.

"Ehh... amangni gellenghu asi majo roham marnida au, nga tung loja au paubathon ho, nga suda tano maraek dohot tano mahiang holan parsiubatmu alai sahitmu dang marnamalum, molo na adongdo giot ni roham amang paboa majolo atik boha natarhirim doho" ninna inattai huhut sai tumatangis.

Jadi dang tartahan ni amattaon be mamereng inattai gabe dipaboa ma.!
"Imadah inang ni gellengku adongdo nian sada giotni rohangku alai molo hupaboa maila au jala mabiar au muruk ho annon tu au da inang"

"Daong amang, paboa ma ahado nasolot dibagas roham dang pola muruk au daripada dang marna malum ho amang"

"Nahea do tarbereng au hae-hae ni nasida inang bao mansai bontar, gabe sai marangan-angan au, mulai siani ma bossir ni sahitton" ninna amantana on ma.

Gabe hohomma inattai jala laos lao ma ibana manjumpangi edana manang inang bao ni amanta on laos dipatolhasma hatani amantana i.

Mambege namasai gabe dilompa edana onma sipulut dua macam, ima : sipulut nabirong dohot nabontar, laoma halaki mandulo amangbaonai. Gabe maila situtu do amantai mamereng inang baonai, alai boha bahenon nunga tung sahit jala hisap ni amantaa natarlobi.

Jadi dilean inang baona on ma sipulut namasak manang lomang nakkaning tu amantai, alai parjoloma dilean sipulut nabirongi, jala ninnama :
"Pangan hamuma amang sipulut on amang bao"

Dung sae dipangan disukkun inang baona ma muse.
"Tabo do diallang hamu sipulut nabirong i amang?"
"Tabo situtu do inang" ninna amanta i.

Dilean ma muse sipulut nabontar jala disuru asa dipangan, dungi disukkun inang baonaon mamuse.
"Dia do untabo dihilala hamu amang, sipulut nabirong dohot nabottar on?"
"Sarupa do tabona hudai inang bao" ninna amantai mangalusi.

Jadi didok inang baona ma muse,
"Antong molo songoni amang molo sarupa do daina didok hamu, songonima tong nabinereng munai, namambaen marsahit hamu, sarupado taboni nabottar dohot nabirong! jadi unang pola sai sukkun-sukkun rohamuna tu nabinereng muna i da amang! " ninna inang baona on.

Dirimangi amattaon ma hata ni inang baona naulion, bahh tahe ido hape tutu ninna rohana, gabe malum ma sahit sian pamatangna nangpe dang sanga didai ibana nabinerengna i! Hahahaha...

2. Anakmu, anakku, dohot anakta
Adong sahalak duda dohot janda gabe suami istri. Alai masing-masing halaki adong boanna sada be dakdanak baoa. Jadi singkat cerita dung marrumah tangga, tubu ma anak ni halaki dakdanak baoa. Jadi tusima umholong rohani halaki nadua.

5 taon kemudian, pas hatop mulak amantai sian kantor, di ida ibana ma siampudannai tangis ala di pukkul abangna na dua i. Ala di onan dope inantana, jadi di telepon ibana ma:

"Haloo mak ucok, pahatop majo mulak tu jabu!"
"Aha namasa?" Sukkun inantai.
"NUNGA TANGIS DI PUKKUL ANAKMU DOHOT ANAKKU ANAKTA!!"

3. Kepanjangan GBU
Adong sada rumah makan di Medan na mambaen akka pelangganna salut marnida adong tarsurat di rumah makan i 'Tusude Pelanggan, GBU.'

Gabe godang ma jolma parkarejo nang mahasiswa mangan tusi ala adong tulisan GBU nai, nataboto GBU (God Bless You/Sai diramoti Debata ma ho)

Namambaen tamba kagum jolma, nampunasa rumah makan i parhuta-huta do jala dang parsikkola natimbo, alai diantusi mamake istilah bahasa inggris.

Margait ma sahalak mahasiswa manukkun par rumah makan i,
"Ai singkatan ni aha do GBU i namboru?"
Sambil mangalompa dialusi inanta i ma
"GAK BOLEH UTANG!"

4. Dipalao alani hobi
Lao ma si Kojek martandang. Mansai las rohani si Kojek dung hundul ibana rap dhot hallet na. Dang sadia leleng, roma bapa ni itoan i. Pintor hatop do jongjong si Kojek, disurdukkon tanganna huhut didok,
"Horas tulang.."

Las tutu rohani bapani hallet nai,ala dibereng songon na pantun do si Kojek. Gabe rap hundul ma halaki marnonang taringot tu hadirion ni si Kojek. Hallet nai pe lao ma tu dapur mambaen kopi.

Disukkun natoras ni hallet nai ma si Kojek
"Aha ma hobbi mu bere?".

Marpikkir si Kojek, molo hudok marbola kaki,sotung gabe didok ma annon au tukkang tunjang,molo hudok marrekket,didok muse ma annon tukkang paltap.

Dialusi si Kojek ma,
"Holan sada do hobbi ku tulang, ima mar catur"

Pintor ditunjang amantai ma meja na dijolo ninasida, sampe marsaburan kopi na di meja i. Huhut didok,
"Lao ma ho sian jabu nami on, unang jonoki be boru nami on"

Tarsonggot si Kojek jala mabiar.
"Aha salakku tulang?"
"Haru Raja ikkon pamateon mu, lam ma simatuam!"
Pintor mulak ma si Kojek.

5. Manjaha Ende di partangiangan
Diari nasalpu partangiangan STM ma hami. Kebetulan di roster i au sijaha ende. Jadi nunga hupersiaphon hian akka ende sian jabu.

Dung dapot waktu jam 4 dimulai ma partangiangan. Hudok ma,
"Ala naung jumpang tikki, tamulai ma partangianganta, mandapoti ma akka naso ro dope!" nikku.

Pendek cerita, dung ende na patoluhon ma,
"Tabukka ma endetta sian no 298
ayat 1+2" nikku.

Tor hutarik toon na..
"Di laaamm... laos taendehon ma!" nikku.

Hape pintor tompu didok sahalak anggota ni STM i,
"Painte jo, torushon hamu hata-hata nai roa begeon" inna.

Tarsonggot au, gabe mekkel sude jolmai, adong na mekkel mallingik, adong na mallangak. Ujung na hutorushon ma,
"Di lambungmi oo.. Jesuski tung na mardame rohangki...
laos taendehonma"

Baru marende ma sude, alai tong sai adong dope namekkel. Sambil marende...hudok ma antong
"Unang sai mekkel be, marende ma.."

Aaahhh tahe, untung do partangiangan ni STM
jadi dang pola sakral, coba jo partangiangan ni
gereja nga barlang be kan? O.. tahe, alani dilam mai.

Itulah beberapa cerita lawak batak terbaru yang bisa membuat tertawa, mungkin kamu juga mau membaca Kumpulan Lawak Batak Khusus Dewasa di blog ini.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :