Skip to content Skip to sidebar Skip to footer

Cerita Lucu Bahasa Batak Humor Kotbah (Jamita)

Cerita lucu bahasa Batak atau humor yang singkat sebagai selingan saat kotbah (jamita) tidak bisa dipungkiri dapat membuat mood pendengar menjadi segar kembali. Tetapi perlu di ingat bahwa fokus kita pada saat mendengar jamita bukanlah untuk mencari kesenangan melalui cerita lawak yang lucu melainkan Firman Tuhan.

Humor kotbah

Ada bermacam-macam teknik pendeta dalam menyampaikan Firman, ada juga yang menyisipkan cerita inspiratif dan humor sebagai ilustrasi sehingga susasana lebih cair. Nah, berikut ini kumpulan humor yang cocok saat berkotbah.

Cerita lucu bahasa Batak humor saat kotbah (jamita)

Manangiangkon ruas namarsahit
Borhat ma rombongan parhalado tu jabu ni sahalak ama na marsahit dung mulak parmingguon. Dijabuni namarsahiton ditangiangkon panditai ma amanta parjabui.

"Ale Tuhan pos do roha nami napamalumonmu amang parjabuon sian parsahitonna." Inna panditai martangiang.

Dung mulak halaki sian jabu ni namarsahit i, disukkun sahalak sintuana ma panditai
"Amang pandita, hira-hira boi dope malum amanta namarsahit i?"
"Aaah.... dang adong bei, mate namai."
Hahahaa... haru panditai dang porsea ateh.

Inanta Naso Olo Talu
Andorang somodom, manghata-hatai ma suami istri dibagasan kamar.
"Pah... diberengho do tetanggatta nakkin manuhor kulkas si 4 pintu?"
"Olo, jadi mahua haroa mah?"

"Unang talu hita, ikkon ta tuhor si 6 pintu."
"Olo annon ma tatuhor i mah, annon..."

"Dungi nantuari sada amanta sitaronggalan manuhor 2 mobil pah!"
"Jadi maksudmu boha muse? Naeng tuhoron mobil?"

"Bah ido antong, pokokna unang talu hita. Tetangga manuhor kulkas 4 pintu tatuhor si 6 pintu. Tetangga manuhor 2 mobil, tatuhor 3 mobil."

"Jadi songoni do mah? Molo tetangga manuhor kulkas 4 pintu ikkon tatuhor 6 pintu, tetangga manuhor 2 mobil ikkon tuhoronta 3 mobil. Alai dibotoho do kan amanta sitaronggal i 2 inantana? Berarti au pe ikkon 3 inantaku."

"Naung gila do haroa ho... jolo langkai majo bangkeku." Inna inantai huhut marbete-bete.

Status media sosial sahalak ama
Disurat sahalak ama ma statusna di media sosial songonon.

"Nunga 30 taon au marminggu, nunga lobi 3 ribu hali jamita hubegei, alai dang adong nanggo sada na huboto isi ni jamitai jala dang huingot nanggo sada tarsurat didia jamitai. Jadi dang adong gunana sai marminggui hita on. Ai so adong na taingot."

Godang ma antong komen-komen sian angka donganna. Adong ma sahalak ama manurathon komenna songonon:

"Nunga 30 taon au mangoli, nunga lobi 30 ribu hali huallang lompa-lompa ni inantaku, alai dang huboto akka goarni nadilompanai, jala dang huingot akka aha do dibaen tusi. Alai hubotk do takkas alana huallang do lompa-lompani inantaki asa margogo ausahat tu saonari."

Lapatanna, sai adong do lapatanna molo lao iba marminggu.
Dang hea mangkirim
Disada tikki rampak mangan ma sahalak natua-tua dohot pahompuna. Andorang so mangan jolo martangiang ma halaki.
"... ale Tuhan, pasu-pasu ma anakku siangkangan ai jotjot do ibana mangkirim hepeng. Jala sai pasu-pasu ma nang anakku si nomor 3, alana sai olo do on mangkirim hepeng jala manelepon au..."

Dung sae martangiang disukkun pahompunai ma ompungna.
"Ompung boasa dang ditangiangkon ho anakmu si nomor 2?"
"Ahh... diam ho! Dang hea mangkirim i."

Mabiar mambaen tangiang
Partangiangan lunggu ma dibagas ni sada keluarga. Jadi sebelum dipukka partangiangan dibagihon ma urutan ni acara, adong do disi tangiang pangondion sian parjabu.

Kebetulan amanta parjabu i mabiar hian mambaen tangiang. Dung naeng sahat tu tangiang pangondion kaluar ma amantai mangalap nampunasa jabu i, ala marbarendeng do jabuni halaki.

Alai pas lagi dang disi antong natua-tua nampunasa jabui. Masuk ma muse amantai tu jabu mandohoti partangiangan i.
"Tauduti ma tangiang sian parjabu." Inna pangulani huria manjaha acara.
"Sattabi jo amang, lagi dang dison parjabuon. Hami na mengontrak do dison!" Inna amanta parjabui ala mambiar mambaen tangiang.
Baca Juga: Cerita Lawak Halak Batak Terbaru
Demikianlah beberapa cerita humor yang cocok sebagai bahan itermezzo saat sedang berkotbah. Semoga terhibur.
Heffri Hutapea
Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Post a Comment for "Cerita Lucu Bahasa Batak Humor Kotbah (Jamita)"