10 Cerita Lucu Bahasa Batak Baru, Nyesal Kalau Gak Baca

Kumpulan Cerita Lucu Bahasa Batak Terbaru, Nyesal Kalau Gak Dibaca

Lawak batak
Lawak Batak

Cerita lucu ini adalah update dari humor lawak Batak terbaru di blog ini. Ada beberapa cerita baru yang mungkin belum pernah kamu baca dan yang pasti nyesal kalau sampai gak baca. Berikut ini ceritanya.

1. Humor drama paskah

Disada tikki naeng mambaen drama penyaliban Yesus ma akka naposo di sada huta. Dungi dibagi halaki ma peranna be. Alai tinggal na berperan sebagai Tuhan Jesus do naso adong dope.

Dung dibahas halaki, diputushon ma si Ucok, ima sahalak pereman kampung na gabe pemeran Jesus. Niat ni halaki naeng balas dendam do antong.

Dibaen halaki ma hau silang i sian hau bosi na tata dope. Sahat ma antong halaki tu adegan manuhuk silang. Borat hian ma antong di hilala si Ucok. Ditamba muse akka lissing-lissing tu dagingna.

"Nanget-nanget ma lissing hamu, ai drama do on." Inna si Uccok marhusip sambil haccitan.

Alai dang dianturehon akka pemeran prajurit Romawi i, sai lalap di lissing gogo-gogo. Dang tahan be antong si Ucok, muruk ma ibana
"Molo songonon do dibaen hamu, Jesus pe olo muruk." Sambil di sampanthon silangnai.

2. Sukkun-sukkun ni Omak

Pagi-pagi masuk chat whatsapp ni omak tu Hpku:
Oma:"mang, keknya kuota mama dah mau habis bah."
Au:"Oh ianya mak, trus kenapa rupanya?" Nikku.
Oma:"Kalo mama hapus hasil downloadtan mama kira-kira baliknya nanti kuota mama itu?"
Dang huboto be mangalusi.

3. Martebak-tebakan dohot Insinyur

Tikki naeng tu jakarta si Ucok jumpangna ma sahalak insinyur dibagasan pesawat, sabangku halaki sian bandara kualanamu. Jadi inna insinyur ima dung lepas landas pesawati:

Insinyur:"martebak tebakan ma hita lae, molo so boi di alusi ho leon ma tu au 50rb pe, alai molo so boi hu alusi huleon tu ho 500rb."

Dungi di oloi si Ucok, disukkun insinyur ima:
Insinyur:"sadia ma jarak ni bumi tu matahari?"

Tor didadap si Ucok sakkuna dileon 50rb, saonari giliran si Ucok manukkun.
Ucok:"Binatang aha ma molo nakkok tu dolok 3 patna molo tuat sian dolok 4 patna?"

Dang boi dialusi insinyur i, didadap ma sakkuna dileon 500rb tu si Ucok. Giliran ni si insinyur muse manukkun:
Insinyur:"Binatang aha na molo nakkok tu dolok 3 patna molo tuat sian dolok 4 patna."
Tor didadap si Ucok sakkuna dileon 50 rb.

4. Humor mangalului hepeng

Adongma sahalak ompung boru naeng manuhor mi goreng jam 9 borngin, tikki mardalan ibana madekdek ma hepengna didalan, dungi di lului ibana ma ditoruni lampu penerang dalan. Topet lewat sahalak oppung doli disukkun oppung doli ima ibana.

Op Doli:"aha na niluluanmu disi inang?"
Op boru:"madekdek nakkin hepengku amang."
Op doli:"didia nakkin madabu?"
Op boru:"i golap-golap an "
Op doli:"jadi boasa dison luluan muna?"
Op boru:"asa tiur amang, sugari dison dang tarida apalagi ma di golap-golap an"

5. Senjata makan tuan

Disukkun sahalak dakdanak ma bapana:
"Bapa boasa adong na bontar obukmu?" (Maksudni anak nai uban)

Dialusi amantai ma, alai sekalian naeng mamodai anak nai
"Ima amang molo jugul ho sahali gabe bontar ma sada obuk ni bapa, makana unang jugul ho dah amang!"

Dungi dialusi anak nai ma muse
"Oh ido ateh bapa, nunga huboto be boasa gabe bontar sude obuk ni ompung."

6. Terjemahan langsung

Nakkin martelepon au dohot dongan sahuta, marbahasa Indonesia do hami manghatai.

"Tadi kami bikin kolak jelok di rumah kalian." Inna dongan i.
"Bah... dari mana buah jelok kalian itu?" Nikku.
"Tapi udah BERBERAS jelok kalian yang pollak belakang rumah itu."
Heheh maksud nion mandok Marboras ma ra ateh.

7. Ruas Na Mabiar

Nunga tung piga hali nai Heppot ro manjumpangi pandita lao paboahon arsak ni rohana.
"Mabiar hian do au nuaeng amang pandita. Diancam amantaku au naeng pamateonna molo ro dope au tu Gareja mon."

Ala nunga agak bosan tong pandita i mambegei arsak ni inatai ala naung marulak-ulak dipaboa dialusi pandita i ma
"Olo.. olo.. inang, hutangiangkon pe hamu torus. Alai ikkon tong do porsea hamu na jagaon ni Tuhani do hamu."

"Pas doi amang pandita, na salelengon nian nunga dijaga Tuhan i au, alai.." gabe agak mabiar bohini nai Heppot.

"Mahua inang?" Sukkun pandita i.
"Sahalion amantaku mangancam hamu nama inna pamateonna!"
"Antong inang, huhilala pe nunga tikkina be hamu mancoba Gareja baru na di ujung ni dalan nian."

Baca Juga:Cerita Lucu Lawak Batak Tentang Pandita

8. Bapa mancukur jambang

Piga taon parpudi on, sengaja dipasombu bapa ni si Tigor jenggot, kumis, dohot jambangna sampai ganjang. Jadi disada tikki di cukur abis ibana ma sude.

Dung mulak sian tukang pangkas, dibereng ibana ma anakna si Tigor lagi marmeam di alaman jolo ni jabu. Naeng di tes ibana ma atikna di tanda anak nai dope ibana dung dicukur abis. Ala ni i, disukkun ibana ma anaknai, didia do jabu amani Tigor.

Marcampur biar, marlojong ma anak nai masuk tu jabu.
"Omak... nunga di cukur Bapa be jambang nai, saonari gabe dang diboto be dia jabunta."

9. Alani giring-giring

Disada ari minggu sahalak sintua mardalan naeng tu gareja. Dalan naeng tu Gareja i hauma dope di kiri-kanan. Jala kebetulan adong sahalak natua-tua lagi asyk marsuan di hauma na dipinggir dalan.

Jadi digora sintua i ma antong natua-tua i.
"Naso dibege hamu do soara ni giring-giring namanjou tu gareja?"
"Dang hubegei.. aha inna hamu?" Inna natua-tua i.

Diulangi sintua i muse.
"Naso dibegei hamu do giring-giring namanjou tu gareja i?"
"Dang hubegei... aha do inna hamuna."

Sabar, diulangi sintua i muse.
"Naso dibegei hamu do soara ni giring-giring namanggora tu gareja i?"
"Ehee... dang hubegei, ribut hian soara ni giring-giring simaupon.!"

10. Dang marminggu ala pagodanghu koor

"Songon naso hea be huida lae marminggu, biasana sai jumpang do hita di Gareja." Inna sahalak dongan tu au tikki jumpang hami di inganan parmanganan.

"Marminggu do au lae, alai gabe tu minggu Naposo do au dohot. Pagodanghu hubereng Koor di Garejanta nuaeng. Sampe 10 grup koor tiap ari minggu, tupa-tupa deba holan sanduna do dohot markoor." Nikku mangalusi.

"Olo nama iba tu gareja ni halak lae on marminggu. Dang pola adong ra Koor disi." Nikku muse sambil manudu tu dongan na asing.

Dialusi dongan nami ima.
"Ido memang lae, di gareja nami sada do nian grup Koor. Alai laguna saalbum ma sahali marminggu. Bayangkon lae ma saalbum, sipata sampe 12 lagu. Hahaha.."

"Bah... mungkin naung songoni nama musim di gareja jaman saonari on ateh. Masihol do iba tikki na sikkola minggu najolo so pola adong markoor." Gabe nikku nama.

Demikianlah 10 cerita lucu bahasa Batak terbaru update blog ini. Nantikan koleksi lawak Batak lainnya.
Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

1 Response to "10 Cerita Lucu Bahasa Batak Baru, Nyesal Kalau Gak Baca"

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel