Skip to content Skip to sidebar Skip to footer

Gagal Martandang Cerita Lucu Batak


Gagal martandang

Gagal martandang adalah sebuah cerita lucu atau lawak Batak terbaru. Mungkin bagi kalian yang pertama kali martandang kerumah sang pujaan hati pasti dihantui rasa takut juga. Untuk itu perlu persiapan yang matang supaya tidak terjadi seperti cerita berikut ini:

Gagal Martandang

Hallethu ima boruni sahalak tentara. Jadi naeng lao ma au martandang tu jabuna, nangpe sebenarna mabiar do au alani tentara i bapana, apalagi dang lomo rohani tulang i molo ro baoa tujabuna martandang.

Alai hubaranihon ma diriku, paling hona lotak senjatanai annon nikku dibagasan roha. 

Lao patuduhon balga ni holongku lao ma au tu jabuni hallethi. Hubereng ma sahalak ama-ama hundul sambil maniop-niop senjata api. On do ra tulangi inna rohangku. Alani dua-dua rohangku manjumpangi, naeng mulak ma au. Hape tor di gora tulangi au tu teras ni jabuna. Anggo au parsudana ma.

"Ise do ho?" Sukkun tulang i.
"Marga Hutapea do au tulang." Nikku mardongan biar mangalusi.
"Aha na niluluanmu di jabu on?" 

Marpikkir au mangalusi sukkun-sukkun on, unang sampe salah mangalusi. Tompuma huingot didok hallethu adong itona namargoar si Ucok.

Jadi hualusi ma.
"Nanaeng manjumpangi si Ucok do au tulang, dongan sasikkolaku hian."

Tompu mekkel tulang i. Dang huantusi boasa mekkel ibana.
"Serius doho naeng manjumpangi si Ucok?" Sukkun tulangi muse.
"Ido tulang, naeng manjumpangi si Ucok do au."
 
Dungi digora tulangi ma hallethu asa ro sian jabu dohot si Ucok. Dung hira-hira samenit hubereng ma hallethu kaluar sian jabu mangabing-abing dakdanak. Dungi inna tulang i ma.
"Nion ma annaku si Ucok, aha do naeng dohononmu?"

Nunga sega be... dang huboto be mandokkon manang aha. Dang huboto si Ucok i dakdanak dope, sai hurimpu do abang ni hallethu hian ibana. Urupi hamu jo au boha do baenonku asa boi lanjut hami marhalet.

Semoga terhibur dengan cerita humor ini. Horas.
Heffri Hutapea
Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Post a comment for "Gagal Martandang Cerita Lucu Batak"