Skip to content Skip to sidebar Skip to footer

6 Cerita Lucu Batak Singkat Tapi Lucu

cerita lucu batak


Cerita lucu Batak kali ini adalah kumpulan humor yang singkat tapi lucu dan pastinya masih baru. Disini saya langsung membagikan 6 cerita sekaligus. Berikut ceritanya:

1. Kopi manang tes
Sial hian huhilala nakkin bah pas singgah di sada lapo.
"Kopi manang tes manis ito?" Inna parlapoi huhut maniop galas.
"Kopi." Nikku mangalusi.
"Salah... ai tes manis don!" Inna parlapo i.
Sai nirippu na manukkun pesanan hape na marhuling-huling acca do parlapo i.

2. Manjantani Babi
Disada kalas disukkun sahalak guruma karejoni natua-tua muridna. Sahat ma antong giliran ni si Ucok.
"Ucok, apa pekerjaan bapakmu?"
"Manjantani babi ibu."
"Bah hebat kali, kok bisa bapakmu manjantani babi?"
"Karna ada jantan ni babi kami ibu!"
Hape na pajantanhon babi do antong karejo natua-tua ni si ucok.

3. Parhata Sada
Disukkun sahalak dakdanak ma omakna.
"Omak.. aha do kelebihanni boru-boru?"
"Dang tikkina dope inang botoonmu i." Inna omakna.
"Dang olo au.. pokokna alusi."
"Annon ma molo dung kalas 6 ho dah inang."
"Olo oma.."

Pendek cerita kalas 6 ma dakdanak i. Tong dope haroa di ingot ibana sukkun-sukkun i. Diulahi ma manukkun omakna.
"Oma songon janjimu taon nasalpu, aha do kelebihan ni boru-boru?"
"Bah songon ho on ma PARHATA SADA."

4. Alani Corona
"Gabe mabiar do au mate saonari bah!" Inna sahalak natua-tua tu donganna.
"Bah boasa saonari gabe mabiar mate ho? Alai biasana, alap ma au Tuhan... alap ma au Tuhan... sai nimmu do." Inna donganna.

"Biar niba dirimpu jolma annon na hona virus corona parmate niba, gabe laos hera na mananom bangke ni bojak ma annon dibaen tu iba dang adong be ulaon adat."
Curhat ni sahalak natua-tua namabiar mate tu donganna.
5. Lapatan ni nipi
Disada manogot ni ari ninna sahalak ina ma tu amantana:
"Nabodari marnipi au dituhor ho kalung mas hu di ari ulang tahunkon. Boha do menurutmu arti ni nipi i?"
"Annon botari botoonmu mai." Inna amantanai.
Botari nai dileon amantai sabungkus kado tu inantanai. Taroktokon marcapur las ni roha dibukka inantai ma kado i nanget-nanget. Hape isi ni kado i Erek-erek. 


6. Dapot muna do surat i?
Disuruh Debata ma suru-suruanna papunguhon informasi songon dia do segani moral akka jolma. Jadi mulak ma suru-suruan i mamboan laporan tu Debata bahwa 95% jolma di portibion nunga mangulahon na jat jala holan 5% do na manghabiari Debata.

Dungi disuruh Debatama mangkirim surat pujian tu jolma na 5% i. 
Diboto hamu do isi ni surat nai? Bohado? Dang diboto hamu? Berarti dang termasuk hamu jolma na 5% i ateh?

Sekian dulu cerita lucu Batak yang saya bagikan kali ini. 
Heffri Hutapea
Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Post a comment for "6 Cerita Lucu Batak Singkat Tapi Lucu"