Kumpulan Cerita Lawak Batak Pendek Tapi Lucu

Sebuah cerita lucu seperti lawak Batak tidak harus ditulis panjang lebar agar sisi lucunya dapat ditransfer kepada pembaca. Bahkan kebanyakan pembaca lebih menyukai cerita yang pendek tapi membuat ketawa. Berikut ini kumpulan cerita lucu lawak Batak pendek terbaru yang akan membuat kamu terhibur, selamat membaca.

Cerita lucu
Lawak Batak terbaru


Daftar Isi


Pacaran Berbahasa Inggris

Janjian ma halak Sikojek dohot Sibutet kaluar malam minggu.
Alai ikkon marbahasa inggris do halaki ima aturan mainna.

Ditempat janjian mulai ma manghatai halaki.
Butet:"YOU LETMAN?" (Kau lewat mana?)
Kojek:"AI LETKUB" (Au lewat Kuburan)
Butet:"YOU MEMBRAN" (Kau memang brani)
Kojek:"AI TAK TAK" (aku tak takut).

Mabiar mambaen tangiang

Jadi dapot giliran inganan partangiangan malam ma di jabuni si Kojek. Dung sidung acara ibadah, tiba ma waktu mangan.
Jadi didok sintua ma:
"Ala naeng mangan ma hita, dipangido hami asa parjabuon ma mambaen tangiang."

Tor tompu lao si Kojek tu sambola jabuna.
"Ompung... disuruh ompung mambaen tangiang." Ninna manggora.
"Ai boasa au?... sona dohot au." Inna ompung parjabui.
"Ido inna sinttua i ompung... parjabuon ma mambaen tangiang molo au kan mangontrak do dison."
"Nga hutanda ho Kojek, dang olo au ro... so mangan be pe taho hamu.."

Lawak Batak Parhata Manggang Vs Parhata Manggang

"Bah, na mulak do ho Kojek?" ninna sahalak ama tu si Kojek dung pajumpang nasida di lapo tuak diharbangan ni hutai.

"Nunga tulang" ninna si Kojek mangalusi, huhut dijalo tuak sian parlapo i.

"Ai didia do ho pangarattoan mu Kojek? Sai nisukkunan dongan sahuta so adong naumboto.."

"Di California do au tulang" Ninna si kojek.

Masibaen ungut-ungutna ma akka na dilapoi, adong na longang, adong na so porsea dohot akka na asing.

Didok si Kojek ma muse,
"Asa di boto hamu, tikki matutung harangan di California dohot do au mangintopi api i. Jala dung mintop api i, dibereng hami ma adong jelok nasa balga ni pulo Samosir"

Lam gaor ma muse na di lapoi, tong adong naso porsea.
"Unang ma lae ala so adong dongan sahuta mamboto pangarattoan mu, gabe marhata manggang lae!" ninna sahalak doli-doli na hundul di suhi-suhi ni lapo i.
Alai molo namanginum tuak na jinalo ni si Kojek i, sai diundukkon do akka hatanai.

"Ido ikkon mangaranto iba lae, asa tamba parbinotoan" ninna si Kojek nunga lam mohop ate-ate na. Ai nunga naeng tarboto gabus na.

"Jadi, masak do jelok i lae?" Ninna doli-doli i.

"Daong lae, alana satokkin do hau i suda dibaen api i" ninna si Kojek mangalusi.

Didok doli-doli ima muse,
" Nantoari sada tarjaha au do di koran, halak cina mambaen hudon nasa balga ni danau Toba"

"Ahh, nararat do ho lae, sian dia ma ho manjaha koran, nanggo di lapo on koran na maribak pe soadong" Ninna si Kojek songon na gasa-gasa on".

"Unang leas roham tu ahu lae, ganup manogot ganup botari tu kota do au, asa di boto lae!" Ninna doli doli sinakkin. Ai agen togel antong ibana.

"Husukkun ma jo lae, lao tudia ma bahenon ni cina i hudon nasai balga?" Ninna si Kojek.

"Bah naeng pangalompaan ni jelok na nidok ni lae nakkin!" Ninna doli-doli i.

Hohom si Kojek, pintor digarar sude tuak ni na dilapoi,alai tuak ni doli-doli i dang dohot digarar.

Cerita lucu dua Ina-ina dohot parbecca

Disada tikki didaerah Tasikmalaya Jawa Barat, adong ma 2 halak ina-ina naeng mulak tujabuna dung sae marminggu. Marbecca dayung ma halaki. Kebetulan amanta parbecca i marsalawar pendek. Dapot dalan tanjakan hosa-hosa ma amantai mandayung.

"Bereng jo amantaon nga hosa-hosa hihi..." inna ina-ina naparjolo.
"Hahaha imadah, nga olo turun tolor ni amantaon alani lojanai." Inna ina-ina napaduahon mangalusi sambil mamereng tupudi.
"Hahaha... ho nian."
"Ido.. bereng ma tu pudi."
"Hahaha...." mengkel ma halaki nadua.

Jadi dung sahat, naeng mambayar ongkos ma.
"Sabaraha mang? Biasana mah 3 ribu.." inna ina-ina naparjolo sambil mangalean hepeng 20 ribu.

"Tega nai hamu akeh.. nga sampe turun tolorhu manggohet becca on las tolu ribu do dilehon hamu..." inna parbecca i mangalusi.

Hahahahaha... tarsonggot ma ina-ina nadua i ai halak hita do hape parbecca i.

PSK marubat tu dokter

Sahalak PSK marubat tu dokter.
Dokter:"Marsahit aha hamu inang?"
Psk:"Marsahit butuha dok.."

Dungi di suruh dokter ima PSK i naik tu podoman asa di periksa.
Dokter:"Buka ma baju muna inang."
Psk:"Salawar dohot do bukkaon dok?"

Dibagasan pesawat Batak Air

Ucok:"Manukkun jo amang, ta lewati do annon porsea?"
Pilot:"Ido amang, mahua haroa?"
Ucok:"Bah... nga olo be annon di dok au hela simardan... molo boi nian amang belokkon hamu jo saotik."
Pilot:"Dang boi amang... ido jalurna, huhutni mahua haroa amang?"
Ucok:"Disido hutani hula-hulaku, amang dohot inang simatua, tulang, tulang rorobot, hape nilangkaan ma annon hula-hula i, au diginjang halaki ditoru."

(Sambil garut kepala)
Pilot:"Molo pas diporsea annon, marsantabi hamu annon amang!"
Ucok:"Ido ateh... antong mauliate ma amang, berangkat ma hita."

Mamboan Simatua Mardalani tu kebun binatang

Ditogihon si Kojek ma simatuana mardalani tu kebun binatang.
"Ai aha do nian amang... naganjang rukkung nai..?" Sukkun simatuana.
"Oh... Jerapah do goar ni i amang." Inna si Kojek mangalusi.
"Molo na manjangkit di bona ni mangga an..?"
"Oh... Bodat do i amang."
"Molo na ditoru bona ni mangga i aha do i..?"

Dibereng si Kojek ma adong sahalak baoa dohot halletna marsihaolan jala marsiummaan.
"Oh... tong do Bodat i amang..." (sabbil mandedei ijurni si Kojek mangida)

Memotivasi anak lewat sarapan

Sahalak ina-ina naeng mamotivasi gellengna melalui sarapan pagi.
Oma:"Mang... sarapan kita ikannya ayam goreng, hae-hae manang habongna diho?"

Anak:"Hae-haena ma diau oma."
Oma:"Molo hae-hae, dung sae mangan ikkon togu doho jongjong mangadopi aha pe namasa lao meraih cita-citam."

Anak:"Molo habongna boha oma?"
Oma:"Ikkon habang doho satimbo-timbona manggapai cita-citamu. Unang putus asa, ikkon tetap berjuang."

Anak:"Antong hae-hae dohot habongna ma diau oma. Asa boi au togu jongjong dohot habang timbo."
Oma:"Ehe... lao di anggim doi sada."

Pelajaran manggambar di Sikkola

"Gambar hamu majo manang aha na mambaen las rohamuna!" Inna sahalak guru tu angka muridna.

Dung hira-hira 30 menit di periksa ibu guru i ma aha naung digambar muridnai. Godang na manggambar akka manusia super songon ultraman, superman, batman, dohot angka na asing.

Hola gambar ni si Ucok do na asing sian donganna. Jolo di warnai ibana sude harotas nai pake tinta nabirong, dungi dibaen ibana titik na rara di tonga.

Dung dibereng guru i, disukkun ma si Ucok sambil manudu tu gambar nai.
"Aha do na di gambar mon?"
"Oh... gambar ni jolma na lagi marisap di nagolap doi ibu."

Demikianlah kumpulan cerita lawak batak pendek yang terbaru dan lucu. Jangan lewatkan update cerita lainnya hanya di Heffri Hutapea Blog.

3 Responses to "Kumpulan Cerita Lawak Batak Pendek Tapi Lucu"

  1. Aduh roaming saya hehehe. Translet dong bang ke Melayu :)

    ReplyDelete
    Replies
    1. Suatu saat akan dibuat juga humor batak berbahasa indonesia.

      Delete

Jangan Lupa Tinggalkan Komentar Kawan!!

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel