Humor Kopi Darat Ucok dan TKW

Ucok dan Butet

Cerita lucu berikut ini merupakan sebuah humor atau lawak Batak yang bercerita tentang kopi darat antara si Ucok dengan seorang TKW diluar negeri sebut saja Butet. Kamu penasaran bagaimana ceritanya? Langsung saja saya bagikan semoga terhibur.

Sesuai rencana naeng pajumpa manang kopi darat ma si Ucok dohot sahalak borua na nitandana sian media sosial. Sambil mangalului alamat manghatai ma halaki lewat Hp.

Ucok:"Halo ito.. nunga sahat au di huta muna on, pas di dalan na balga sabola dia do tahe jabu ni ito?"

Butet:"Oh… na adong gapura na i ma ito, masuk ma ito
hira-hira 50 meter, adong jabu gedong dua tingkat, warn
kuning, adong mobil na godang."

Ucok:"Siap ito... Ito, nunga pas di jolo ni jabu gedong on au, on do jabu muna?"

Butet:"Daong ito... sian i belok ma ito tu siamun, hira-hira
100 meter adong lapangan Volly, di samping na i
ma ito."

Ucok:"Ito, nunga di lapangan Volly on au, na disamping
na i do jabu muna?"

Butet:"Daong ito... jabu ni tukkang dappol do i, sian i lurus
ma ito, pas lewat jambatan tarbereng ito ma anon adong tarsurat ISI ULANG PULSA."

Ucok:"Ito... na jualan pulsa i do jabu muna?"

Butet:"Daong... konter ni halak do i ito, sian i belok ma tu hambirang, dung dapot anon kuburan, adong dijolo na i sada jabu tagelleng."

Ucok:"Jadi, i do jabu muna na dijolo ni kuburan i?" (Mulai kesal)

Butet:"Eee... daong ito, jabu ni panjaga kuburan i do i, lurus
ma ito mangalewati pinggir ni ni hauma, anon tarbereng ito ma adong lobu ni horbo."

Ucok:"Aaggahh! I do jabu muna?" (Mandele)

Butet:"Bahh.. na dirippu ito do hami horbo? Daong ito, sian i lurus dope 200 meter nai sahat tu pinggir ni harangan."

Ucok:"Jadi, di harangan i ma halak ito tinggal?" (Emosi)

Butet:"So jo ito... sai na asing-asing do ito on. Terobos ito ma harangani, adong dalan tagelleng sahat ma anon tu sopo-sopo, pas ma di samping na i jabu nami."

Ucok:"Ito... sahali nai didok ho dang jabum i, molo pajuppang ikkon huleon nama inumonmu kopi SIANIDA. So diboto ito huroa, nunga naeng hallus dugul-dugul hu." (Muruk)

Butet:"Hehehee... sabar ito, unang pola muruk, hatop
anon ito matua. Toho do, i ma jabu nami, beha nunga
jumpang ni ito?"

Ucok:"Nunga be ito, nunga di jolo ni jabu on be au! Agoi amang nunga assit sude daging hu ! Nunga songon na maropuk holi-holing hu! Tolong ma jolo dappol ito anon ate.. heheheheeee." (Songonna lumbang dihilala)

Butet:"Masuk ma ito, adong do oma di jabu sahalak na,
maklum ma ito, alana nga matua."

Ucok:"Molo ito lagi dang di jabu haroa?"

Butet:"Owh... molo au lagi di Malaysia do ito, TKW!!"

Baca Juga: 5 Cerita Lawak Batak Bikin Ketawa

Kesal hian ma dihilala si Ucok, gabe mulak balging ma ibana. Semoga las roha muna manjaha cerita humor lawak batak on.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :